InicioEconomíaA UE considera prioritaria a liña de alta tensión que pasa pola...

A UE considera prioritaria a liña de alta tensión que pasa pola Cañiza

Trátase dunha autoestrada para luz que unirá a zona portuguesa de Ponte de Lima-Vila Nova de Famalicão-Recarei con Beariz (Ourense) e Fontefría, na Cañiza (Pontevedra).

PUBLICADO O

pleno do Parlamento Europeo deu este mércores o seu visto e prace á cuarta lista de proxectos enerxéticos prioritarios que poden recibir fondos comunitarios para a súa construción, entre os que se atopa a interconexión eléctrica entre Galicia e Portugal.

Esta autoestrada para luz unirá a zona portuguesa de Ponte de Lima-Vila Nova de Famalicão-Recarei con Beariz (Ourense) e Fontefría, na Cañiza (Pontevedra). Así, permitirá alcanzar o 10% de interconexión con Portugal, co que se aumenta a capacidade actual desta integración a 3,2 gigavatios. A data de recepción do proxecto está prevista para 2021.

A Comisión Europea explica que a “insuficiente capacidade de interconexión segue sendo un obstáculo” para a creación dun mercado da electricidade no suroeste de Europa e impediu ás eléctricas ibéricas participar plenamente no mercado da electricidade da UE.

Cunha capacidade de interconexión de soamente 6.000 megawatts, España, e con ela Portugal, “seguen sendo en gran medida unha illa enerxética” que non participa plenamente no mercado europeo da electricidade. Esta capacidade de interconexión tamén sitúa a estes países por detrás do obxectivo de interconexión do 15% que figura no regulamento sobre a gobernación da Unión da Enerxía.

As propostas do próximo orzamento da UE para 2021-2027 inclúen un novo compoñente de enerxía do mecanismo ‘Conectar Europa’, cun orzamento próximo aos 1.000 millóns de euros (865 millóns de euros), a fin de fomentar a cooperación dos Estados membros en proxectos transfronteirizos de enerxías renovables.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...