InicioMedio Ambiente e PatrimonioPlantan un centenar de bidueiros no Monte Aloia polo Día da Árbore

Plantan un centenar de bidueiros no Monte Aloia polo Día da Árbore

A iniciativa, promovida pola Xunta, congregou ao redor de 110 persoas.

PUBLICADO O

- Advertisement -

A Xunta de Galicia promoveu este sábado a plantación dun centenar de bidueiros nunha parcela forestal do Parque Natural do Monte Aloia para conmemorar o Día da Árbore, que se celebra cada 21 de marzo.

Ao redor de 110 persoas, segundo explicou o Goberno autonómico nun comunicado, participou nunha iniciativa froito da colaboración entre a Consellería de Medio Ambiente, Territorio e Vivenda e a Asociación de nais e de pais (AMPA) do Colexio Marista Santa María de Tui, que convidou ademais a todas as familias do centro a implicarse nesta actividade de carácter ambiental.

En concreto, os traballos forestais centráronse nunha zona próxima ao cámpin do Monte Aloia, onde plantaron unicamente árbores autóctonas procedentes de viveiros da Xunta, que doou en total preto dun cento de bidueiros.

Entre o voluntariado que participou esta mañá na iniciativa había máis de 60 crianzas, pero tamén profesorado e familias do alumnado, que contaron durante todo o proceso co apoio e o asesoramento de persoal técnico do Parque Natural.

O propio xefe do Servizo de Parques Naturais da Xunta, Antonio Rodríguez, participou tamén na plantación e destacou a importancia que teñen este tipo de actividades de sensibilización ambiental “para educar as novas xeracións no coidado e respecto pola natureza”.

Para finalizar, o AMPA do Colexio Santa María de Tui organizou para todas as familias participantes un picnic campestre no propio Monte Aloia.

ÚLTIMAS

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...

Detido na rúa Uruguai tras lesionar a unha viandante, á que golpeou cunha lata de cervexa, causándolle un corte na tempa

Axentes da Policía Local de Vigo detiveron a un home de 45 anos de idade, J.K.V.,...

O goberno de Vigo rexeita debater unha moción urxente sobre as festas

O grupo municipal do PSOE de Vigo rexeitou este luns debater unha moción de...