Tui participará na asemblea da Red de Juderías que se celebra en León

Reunirá a representantes de dezanove cidades que integran esta rede de municipios.

Integrantes da Red de Juderías del Estado, coa presenza de representantes de Monforte, Ribadavia eTui.- Arquivo

Tui, a través do seu alcalde Enrique Cabaleiro, participará mañá mércores na cidade de León na 58ª Asemblea Xeral da Red de Juderias de España –Caminos de Sefarad que reunirá a representantes de dezanove cidades das vinte unha que integran esta rede de municipios.

Neste Asemblea, que se desenvolverá no Hostal San Marcos de Léon, debateranse diversos temas, entre eles, a aprobación do orzamento e programa de actuacións para o vindeiro ano 2022, así como o deseño dun plan de estratexia de futuro da Red de Juderías para o período 2022-2025 como puntos máis destacados da orde do día. No decurso da asemblea procederase tamén á sinatura dun convenio de colaboración con Paradores de España para a realización de actividades e accións promocionais de xeito conxunto.

Segundo destaca o Concello, Tui foi integrada na Red de Juderias no ano 2019 en recoñecemento ao “importante acervo patrimonial” que conserva a cidade relacionado coa presenza da comunidade xudía na época medieval e os grupos de cripto-xudeus ou cristiáns novos especialmente nos século XVI e XVII.

DEIXAR UN COMENTARIO

Please enter your comment!
Please enter your name here