Publícase un novo número da revista de investigación que edita o Instituto de Estudios Tudenses

Convírtese así no sétimo tomo de “Castellum Tyde”.

O último tomo da revista de estudos “Castellum Tyde”, que edita o Instituto de Estudios Tudenses co patrocinio do Concello de Tui, vén de saír do prelo. Precisamente hoxe pola mañá o presidente do Instituto de Estudios Tudenses, Xavier Añoveros, entregou ao alcalde de Tui, Enrique Cabaleiro, un exemplar deste último tomo, que se convirte a´sí no sétimo número.

O presidente do Instituto de Estudios Tudenses dixo estar moi satisfeito coa publicación, pois é testemuña dunha “continuidade no traballo que vén desenvolvendo esta entidade”, que agrupa a preto dunha trintena de estudosos e investigadores. Ao tempo agradeceu a sensibilidade do Concello de Tui e do seu alcalde, Enrique Cabaleiro, por manter o patrocinio desta publicación que enriquece o coñecemento da nosa cidade, da súa historia e o seu patrimonio.

Para o rexedor tudense, Enrique Cabaleiro, resulta unha “satisfacción” comprobar como a cidade de Tui e o seu acervo cultural continúan xerando “novos estudos e traballos de investigación que nos permiten coñecer e, consecuentemente, valorar e apreciar a dimensión histórica e patrimonial da nosa cidade“. Enrique Cabaleiro agradece o traballo do Instituto de Estudios Tudenses pola calidade deste novo número da revista “Castellum
Tyde”.

DEIXAR UN COMENTARIO

Please enter your comment!
Please enter your name here