Tui conmemora unha batalla centenaria cun concerto de “estrea mundial”

Soará un cuarteto de corda na honra da Batalla de Lepanto.

Soa orquestra de corda en Tui para conmemorar unha batalla centenaria. A igrexa de San Domingos da localidade tudense acollerá este xoves, 28 de outubro, ás 20 h o concerto “Oficio de Armas”. O evento, encadrado no festival Vértixe Sonora 2021, forma parte das actividades conmemorativas do 450 aniversario da Batalla de Lepanto organizadas polo Concello de Tui, unha contenda histórica na que Miguel de Cervantes perdeu a mobilidade da man esquerda.

Para o Concello de Tui, o concerto supón unha oportunidade “inmellorable” de dar a coñecer e proxectar de cara ás vindeiras xeracións o retablo de A Nosa Señora do Rosario, unha “magnífica táboa que acolle a igrexa monacal conventual de San Domingos de Tui”.

O concerto, que o consistorio define como “de alta calidade”, contará coa presenza de Vitor Vieira ao violín, acompañado por Ana Carmen Sánchez. Sérgio Sousa encargarse da viola e Hugo Paiva do violoncello. Todo para interpretar obras de Ramón Otero, Djordje Markovic, Miguel Azguime, e Alberto Carretero: unha estrea a nivel mundial de tres obras para cuarteto e trío de cordas. Para acudir ao concerto é preciso reserva previa que se pode conseguir neste enlace.

DEIXAR UN COMENTARIO

Please enter your comment!
Please enter your name here