Un home resultou ferido este luns tras envorcar co seu vehículo mentres circulaba pola A-55 ao seu paso polo municipio de Tui. O accidente rexistrouse á altura do punto quilométrico 26 e, segundo a información recollida no 112 Galicia, o afectado puido saír polos seus propios medios do turismo.
Varios particulares alertaron sobre as 15,30 horas do ocorrido e a central de Emerxencias pasou o aviso ao 061, dos Bombeiros do Baixo Miño, Protección Civil de Tui, Policía Local, Garda Civil de Tráfico e do servizo de mantemento da autovía.
Os servizos sanitarios atenderon ao ferido, que foi trasladado posteriormente ao Hospital Álvaro Cunqueiro.