Morre un operario atropelado por unha máquina agrícola mentres traballaba na obra dunha gasolineira

Unha vez aí, os equipos de asistencia non puideron facer nada para salvarlle a vida.

Ambulancias básicas sen rotular aparcadas en Sárdoma - Foto CIG
Ambulancias básicas sen rotular aparcadas en Sárdoma - Foto CIG

Un operario perdeu a vida ao ser atropelado por unha máquina agrícola mentres traballaba na obra dunha gasolineira no Polígono Industrial de Tui.

Segundo a información facilitada aos xestores do 112 Galicia por ou particular sobre as 17,00 horas deste martes, o obreiro foi atropelado por un tractor de pequenas dimensións e necesitaba asistencia médica urxente.

Con estes datos, o 112 solicitou a intervención do equipo de Urxencias Sanitarias de Galicia-061, que enviou ata o lugar unha ambulancia para atender o ferido. Pero unha vez no punto, os equipos de intervención non puideron facer nada para salvarlle a vida.

No operativo tamén colaboraron os axentes da Garda Civil, da Policía Local e os membros de Protección Civil da localidade.