Cinco trens afectados pola caída dunha árbore no tramo Salvaterra-Guillarei

O corte provocou un atraso de 75 minutos nun tren de longa distancia e outro convoi detido no Porriño.

ferrocarril
Tren de cercanias /Miguel Nuñez

A caída dunha árbore sobre a catenaria no tramo ferroviario entre Salvaterra de Miño e Guillarei rexistrada na mañá deste mércores afectou a cinco trens.

Así o confirmaron fontes de Renfe, que explicaron que ás 8,17 horas deste mércores se suspendeu a circulación ferroviaria nese tramo debido á caída dunha árbore, pero matizaron que está previsto que se restableza ás 11,30 horas.

En concreto, o corte provocou un atraso de 75 minutos nun tren de longa distancia e outro convoi detido no Porriño ao haber “previsión de paso” ás 11,30 horas, concretaron as mesmas fontes.

Ademais, estableceuse un plan alternativo para trasladar por estrada no tramo afectado aos pasaxeiros de tres trens con traxecto Vigo-Ponferrada, Vigo-Ourense e Monforte-Pontevedra.

DEIXAR UN COMENTARIO

Please enter your comment!
Please enter your name here