InicioCulturaTui volverá á época medieval durante o IV Festival da Cultura Arraiana

Tui volverá á época medieval durante o IV Festival da Cultura Arraiana

O alcalde e os organizadores fixeron un chamamento aos cidadáns e aos comerciais para que, como en anteriores edicións, se impliquen na celebración deste festival.

PUBLICADO O

A localidade pontevedresa de Tui acollerá entre o 30 de agosto e o 1 de setembro a cuarta edición do Festival da Cultura Arraiana, ‘Arraianos’, na que se instalará un mercado medieval, haberá oferta cultural e gastronómica, segundo avanzou este venres a organización, no acto de presentación do certame, que contou coa presenza do alcalde, Enrique Cabaleiro, e da concelleira de Cultura, Sonsoles Vicente.

O festival comezará na tarde do venres coa apertura do Mercado Medieval, que se desenvolverá na praza do Concello, e nas de San Telmo e Fromista; así mesmo, no antigo cárcere, celebraranse as ‘ceas de taberna’ na noite do venres, nas que os comensais deben ir ataviados con roupas medievais e poderán degustar un menú inspirado na serie ‘Xogo de Tronos’ (pito ao mel, cebolas salteadas con manteiga, pastel de porco, pastel vexetal, carne á brasa, salada, galletas de mel, etc.). Na noite do venres tamén se celebrará a chamada ‘Noite da doncela’, na Praza de San Fernando, con espectáculos a cargo de Circocido e Asacocirco.

Xa o sábado, terá lugar pola mañá a carreira popular de kaiaks, ‘A Conquista do Miño’, que sae da praia fluvial A Mariña, e termina na vella ponte internacional; así mesmo, nesta xornada haberá xogos para nenos e novos, incluído un xogo de rol ambientado no século XIV (unha das novidades desta edición).

Outra as ofertas dese fin de semana van ser as visitas teatralizadas con diferentes temáticas. A primeira celebrarase na noite do sábado, e será a ‘Noite das Curuxas’, de medo; as outras dúas serán o domingo (con dous pases, ás 18,00 e ás 19,30 horas), unha visita teatralizada ambientada no mundo viquingo. As prazas son limitadas e é necesario inscribirse (8? por adulto e 4? para nenos de 11 a 18 anos).

O domingo haberá unha conferencia ás 12,00 horas no antigo cárcere, a cargo do historiador tudense Rafael Sánchez Bargiela e, ás 21,00 horas, celebrarase a ‘Noite do escudeiro’ no Paseo Fluvial, con representacións de xustas medievais, combates corpo a corpo, etc.

O alcalde e os organizadores fixeron un chamamento aos cidadáns e aos comerciais para que, como en anteriores edicións, se impliquen na celebración deste festival. Así mesmo, os comerciantes poden participar no concurso de caracterización medieval. Ademais de todas as actividades, cinco locais de Tui ofrecerán, durante o fin de semana, tapas elaboradas de receitas medievais a un prezo de 2 euros.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...