Recollen sinaturas na Guarda para a iniciativa popular en defensa da sanidade pública

Informan ademais de que seguirán recollendo firmas durante os próximos meses para que os resposables da situación "perciban con claridade o clamor social existente fronte a unha situación dramática".

Arquivo - Centro de Saúde do Casco Vello de Vigo. EUROPA PRESS - Arquivo

A Plataforma en Defensa da Sanidade Pública da Guarda iniciou este sábado a recollida de firmas de apoio á lei de iniciativa lexislativa popular (ILP) en defensa da sanidade pública galega que levan a cabo por toda Galicia as diversas plataformas e organizacións integradas en SOS Sanidade Pública.

Tal e como explican nun comunicado, as plataformas buscan con esta iniciativa “impulsar medidas urxentes para recuperar e fortalecer a atención primase para salvala da situación actual” debido ao proceso de “privatización e desmantelamento da sanidade”.

Os promotores da iniciativa consideran que a Xunta de Galicia debe “recuperar” os recursos humanos recortados para poder garantir a accesibilidade aos centros de saúde, “desmasificar” as consultas, acabar coas listas de espera e mellorar as condicións laborais do persoal.

Informan ademais de que seguirán recollendo firmas durante os próximos meses para que os resposables da situación “perciban con claridade o clamor social existente fronte a unha situación dramática”.