A veciñanza da Guarda terá moito máis fácil empregar as novas tecnoloxías a partir deste mes de xuño

O Centro Cultural da Guarda impartirá cursos de iniciación aos móbiles, os navegadores, o correo electrónico...

A aula de informática do Centro Cultural da Guarda, incluída na rede de Centros para a Modernización e Inclusión Tecnolóxica (CeMIT), impulsará seis novos cursos de iniciación ao manexo do ordenador e uso de Internet no mes de xuño.

As clases comezarán a partir do día 1 e estarán orientadas á adquisición de coñecementos básicos para o uso dos computadores (con 12 horas de formación) e os teléfonos intelixentes (4 horas), o uso do navegador (6 horas), xestión e utilidades de Internet (7 horas), o correo electrónico (6 horas) e o procesador de textos (6 horas).

As persoas interesadas poderán inscribirse de balde no Centro Cultural, na Casa do Concello ou na páxina web da rede CeMIT ata o 29 de maio. Os horarios de cada un dos cursos poderán consultarse na táboa aquí adxunta e na páxina web da rede CeMIT.

Cartel / Concello da Guarda

horarios

Días e horarios dos cursos de informática – Xuño de 2018
Manexo dun ordenador Mércores e venres Clase 1- 16:00 a 17:30

Clase 2- 17:30 a 19:00

Uso do navegador Luns e xoves

(do 4 ó 14 de xuño)

16:00 a 17:30
Luns e xoves

(do 18 ao 28 de xuño)

10:00 a 12:00
Correo electrónico Luns e xoves

(do 4 ó 14 de xuño)

17:30 a 19:00
Luns e xoves

(do 18 ó 28 de xuño)

12:00 a 14:00
Utilidades e xestión de Internet Martes

5 e 12 de xuño

Clase 1- 16:00 a 17:30

Clase 2- 17:30 a 19:00

Procesador de textos Sábados Clase 1- 10:30 a 11:45

Clase 2- 11:45 a 13:00

Manexo de smartphones Venres

15 e 29 de xuño

Clase 1- 10:00 a 12:00

Clase 2- 12:00 a 14:00

 

A partir do 15 de xuño, os cursos impartiranse exclusivamente en horario de mañá, polo que as clases sobre manexo de computadoras continuarán co seguinte horario:

Manexo dun ordenador Mércores e xoves Clase 1- 10:00 a 12:00

Clase 2- 12:00 a 14:00

 

DEIXAR UN COMENTARIO

Please enter your comment!
Please enter your name here