O portavoz parlamentario do PSdeG, Gonzalo Caballero, asegurou que a situación da PAC e dos centros de saúde do Baixo Miño “exemplifica que a atención primaria en Galicia está na UCI”.
O político socialista asistiu na tarde deste mércores no Rosal a unha concentración contra o “desmantelamento” da primaria nesta comarca, onde denunciou a “carencia de persoal sanitario nos centros de saúde” e “os recortes da Xunta do PP” que provocan que na primaria do Baixo Miño e doutros municipios “só aténdanse urxencias”.
Na súa intervención, sostivo que “non se pode tolerar que haxa listas de espera na atención primaria” e volveu criticar a decisión do Sergas de restrinxir a actividade sanitaria durante varios días en 14 centros de saúde da área de Vigo, entre os que se atopan os da Guarda, O Rosal e Tomiño.
“É indecente a situación de precariedade na que Feijóo está a deixar a sanidade pública galega que vive de forma permanente saturada e co persoal excedido”, sinalou Caballero, que criticou a “inacción” da Xunta. “A Xunta e Feijóo non fan nada”, censurou.
