O Concello de Tui contratará un asesor fiscal para axudar aos afectados pola explosión do almacén pirotécnico de Paramos. Un anuncio que fixo o seu alcalde, Carlos Vázquez Padín, logo de manter unha reunión con medio centenar de afectados este sábado.
Padín destacou que a contratación deste especialista fiscal débese a que a concesión de axudas podería ter “consecuencias fiscais” para os beneficiarios, e remarcou a importancia de que os veciños soliciten as axudas, xa que “no peor dos casos sempre estarían a tempo de renunciar ás contías”.
Ao termo do encontro, o rexedor tudense incidiu na necesidade de que a declaración de Paramos como zona gravemente afectada por unha emerxencia de protección civil e o posterior decreto “debería incluír unha serie de exencións fiscais para os afectados”.
Por último, o goberno local de Tui insta a todos aqueles que sufriran danos por mor da explosión a que se apunten en como afectados o centro municipal de Guillarei. O prazo conclúe o vindeiro venres 3 de agosto.
