InicioA falta de persoal provoca unha "situación extrema" nos centros de saúde...

A falta de persoal provoca unha “situación extrema” nos centros de saúde do Baixo Miño

A CIG critica a a situación que están a vivir en centros como o do Rosal, que na última xornada contou cunha soa médica.

PUBLICADO O

A CIG-Saúde de Vigo denunciou publicamente a “situación extrema” na que se atopan centros de saúde do Baixo Miño pola falta de persoal. É o caso do centro de saúde do Rosal, que na xornada anterior contou só cunha médica, o que provoca deficiencias na atención. “A situación é grave, xa que ten que asumir a asistencia dun concello de máis de 6.000 persoas que no verán ve aumentada a súa poboación”, apuntan dende o sindicato.

Dende a CIG recalcan que a sobrecarga de traballo é insostible nestes casos, aínda máis tendo en conta que non é unha situación puntual, senón que se repite ao longo do verán. Por iso, dende a central sindical apostan por mellorar as condicións laborais e estabilizar o emprego.

O Centro de Saúde de Oia ten unha situación semellante ao do Rosal, pois un único facultativo atende, neste caso, a ausencia das dúas médico da localidade.

Isto tamén se traduce nun aumento das asistencias do servizo de ambulancias da zona e do PAC da Guarda, que este ano non conta con reforzos, segundo explican dende a CIG. No caso de que algunha urxencia requira ir acompañada ao hospital, a localidade quedaría sen persoal médico arredor de dúas horas no caso do Rosal. “Hai que lembrar que o PAC dá asistencia a preto de 20.000 persoas dos tres concellos (Oia, O Rosal e A Guarda), poboación que experimenta un aumento significativo no verán”, apunta a CIG.

Por outra banda a CIG-Saúde tamén califica de “preocupante” a situación da Atención Primaria, e apostan por estabilizar o emprego cunha OPE que saque todas as prazas necesarias para ter os centros cubertos co persoal necesario para asegurar unha asistencia digna. Salientan que os profesionais buscan as mellores condicións noutras comunidades autónomas, polo que mellorar as condicións laborais é necesario para “atraer de novo aos profesionais”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...