Denuncian un novo intento de confiscación dos montes veciñais en Tui e O Rosal

A Organización Galega de Comunidades de Montes denuncia que o Ministerio de Facenda se está amparando nunha lexislación que non recoñece a realidade de Galicia.

Comunidades de montes veciñais en man común - calixtoescariz.com

A Organización Galega de Comunidades de Montes (ORGACCMM) denuncia que no concello de Tui e no de O Rosal están recibindo unha comunicación do catastro que lles anuncia a que as terras pasan a ser titularidade da Administración do Estado.

A Organicación Galega de Comunidades de Montes sinala que o Ministerio de Economía e Facenda, mediante as xerencias territoriais dos catastros, está procedendo a unha confiscación dos montes veciñais en mán común amparándose nunha lexislación que non recoñece a realidade de Galicia. Denuncian que a axencia do catastro, un organismo que non define propiedade senón usos, non pode cambiar a titularidade dunhas terras.

A lei de montes do estado articula que os montes veciñais en mán común por ser unha titularidade de caracter xermánico teñen a característica de imprescritibles, é decir que nunca perderá o seu caracter de monte veciñal. A ORGACCMM sospeita que esta non é unha cuestión de carácter xurídico, senón que é unha intención do goberno de confiscar parte dos montes comunais.

Ante esta confiscación encuberta dos montes veciñais en mán común a Organización Galega de Comunidades de Montes convocará os grupos políticos galegos con representación nas Cortes Xerais do Estado para solicitarlle que presenten iniciativas parlamentarias contra esta confiscación. Tamén convocará asambleas territoriais coas comunidades de montes para adoptar medidas para parar esta confiscación encuberta.

DEIXAR UN COMENTARIO

Please enter your comment!
Please enter your name here