A Xunta vén de anunciar que abrirá dilixencias arredor do Trail de Santa Tegra para esclarecer “as circunstancias” nas que se produciu a carreira. O anuncio das institucións autonómicas chegan logo da denuncia feita pola Asociación para a defensa do Patrimonio (Apatrigal) e após da viralización dunhas imaxes nas que se apreciaba ós corredores circulando sobre o xacemento castrexo.
O castro de Santa Tegra, descuberto no século XIX, é un dos máis antigos e representativos da cultura castrexa galega. Segundo as investigacións desenvoltas nos 80, conta con petróglifos datados arredor do 2.000 antes de cristo, se ben chegou a estar habitado ata a época tardorromana.
