24 horas despois de devastadora explosión pirotécnica nunha vivenda no lugar de Paramos, no concello de Tui, os veciños, algúns aínda en shock, revisan as desfeitas nas súas propiedades e mantéñense atentos aos feridos.
O reporteiro de Xornal de Vigo Miguel Núñez estivo con algún deles. O seu ánimo está polo chan e aínda non dan crédito ao acontecido. O balance é, de momento, dous mortos, unha trintena de feridos e 60 vivendas arrasadas, ademais de moitas outras con danos.
Os veciños explican a Xornal de Vigo o que viviron e ao que se enfrontan agora, nunha contorna que semella máis propia dun escenario bélico, con casas destruídas, cascallos por todas partes e un terreo queimado e aínda fumeante.