O desentullo da zona afectada pola explosión pirotécnica en Tui é, agora, a principal preocupación do Concello de Tui. O próximo mércores, 28 de novembro, ás 20.00 horas na casa do concello reunirase o gabinete de crise de Paramos.
O alcalde de Tui, Carlos Váquez Padín, realizará o luns a convocatoria formal para esta reunión á que citará á Asociación de Afectados de Paramos e Guillarei, ao goberno central, á Xunta de Galicia, e á Deputación de Pontevedra. Así llo informou hoxe aos veciños na reunión que mantivo con eles este sábado no Centro Cultural de Guillarei. O principal asunto será abordar o desentullo da zona cero.
