InicioSociedadePrisión para 3 dos detidos pola suposta construción de 'narcolanchas' e outros...

Prisión para 3 dos detidos pola suposta construción de ‘narcolanchas’ e outros 7 pasan a disposición xudicial

Os investigadores vincúlanos a unha embarcación intervida en Andalucía con 900 quilos de haxix.

PUBLICADO O

- Advertisement -

O xuíz de instrución número 8 de Vigo acordou o ingreso en prisión de 3 dos detidos no macrooperativo contra o narcotráfico e contra unha suposta armazón de construción de ‘narcolanchas’ (que se saldou con polo menos unha vintena de arrestos en varias provincias), e a posta en liberdade doutros 5 implicados, mentres que este xoves está previsto que decida sobre outros 7, que xa chegaron aos xulgados da cidade para comparecer ante o maxistrado.

Segundo confirmaron fontes xudiciais, dos 8 detidos que pasaron a disposición do xulgado este mércores (tres mulleres e cinco homes), tres ingresaron en prisión, mentres que outro cinco foron postos en liberdade, entre eles unha persoa que ten a obrigación de comparecer nos xulgados cada 15 días. Todos eles están investigados por un suposto delito contra a saúde pública, por contrabando e por pertenza a organización criminal.

Estas 8 persoas, todas detidas en Galicia (xunto a unha novena, que quedou libre en sede policial), chegaron aos xulgados de Vigo este mércores pola mañá, aínda que as comparecencias non comezaron ata pasadas as 14,30 horas, e alongáronse ata as 22.00 horas a noite. Este xoves foron postos a disposición do xulgado de instrución outros 7 detidos, entre eles dous arrestados en Cataluña e considerados os ‘xefes’ do grupo.

A investigación desta causa, coordinada polo xulgado vigués e coa participación do EDOA (Equipo de Delincuencia Organizada e Antidroga) da Garda Civil, céntrase na existencia dunha suposta armazón para a construción de embarcacións destinadas ao narcotráfico.

No marco do operativo policial realizáronse polo menos unha vintena de detencións, 9 delas na área de Vigo, así como rexistros, que se estenderon non só ao partido xudicial de Vigo, senón tamén ao do Porriño e Verín, así como a Toledo, Cataluña e Andalucía e, mesmo, ao norte de Portugal. Nos rexistros, a Garda Civil incautouse de ‘narcolanchas’ en diferentes fases de construción e de diñeiro en metálico.

ÚLTIMAS

Desmantelan en Mos unha festa rave

A Garda Civil de Pontevedra, a través do Grupo de Información da súa comandancia, informou sobre...

Rescatan a varios veciños dun edificio en chamas en Vigo

Os Bombeiros de Vigo rescataron a varios veciños dun edificio en Vigo no que...

Defensor do Pobo aproba a xestión de Vigo no incendio do edificio Alfonso X e critica á Xunta

O Defensor do Pobo emitiu un informe en resposta á solicitude de atención formulada...

OPINIÓN.- Vigo: Un plan de transporte para o futuro

A cidade de Vigo atópase nun momento crucial da súa historia. O crecemento desordenado...